ҚазМШжЖӨҒЗИ ғалымдары Моңғолиядағы халықаралық іссапарға қатысты

2025 жылғы 17–24 тамыз аралығында «Қазақ мал шаруашылығы және жемшөп өндірісі ғылыми-зерттеу институты» ЖШС-нің жемшөп өндіру және жайылымдар бөлімі ғалымдары Орталық Азиядағы құрғақ аймақтар ландшафттарын тұрақты басқаруға бағытталған DSL-IP халықаралық бағдарламасы аясындағы іс-шараларға қатысты.

Іссапар Қазақстанның Экологиялық ұйымдар қауымдастығы (АЭОК) мен БҰҰ Азық-түлік және ауыл шаруашылығы ұйымының (ФАО) қолдауымен Моңғолияда ұйымдастырылды. Іс-шаралар барысында қазақстандық мамандар семинарлар мен техникалық сессияларға қатысып, Моңғолия үкімет өкілдерімен кездесулер өткізді. Сонымен қатар, олар SOR кашемир өңдеу фабрикасы мен «Мон Пелле» органикалық тыңайтқыштар зауытының жұмысымен танысты.

Бұл іссапар институт мамандарына халықаралық тәжірибе алмасуға, шетелдік әріптестермен кәсіби байланыс орнатуға және Орталық Азиядағы жайылым экожүйелерін тұрақты дамыту бағытында бірлескен жобаларды талқылауға мүмкіндік берді.