ҚазМШжЖӨҒЗИ базасында нанотесікті секвенирлеу технологиялары бойынша халықаралық конференция өтуде

2025 жылғы 21–22 қазан күндері Алматы қаласында орналасқан «Қазақ мал шаруашылығы және жемшөп өндірісі ғылыми-зерттеу институты» ЖШС базасында «From Sample to Sequence: Discover the Power of Oxford Nanopore Technologies» атты екі күндік тәжірибелік конференция өтуде. Іс-шара Techprime компаниясымен бірлесіп ұйымдастырылды.

Конференция қатысушылары нанотесікті секвенирлеу технологияларының заманауи тәсілдерімен, Adaptive sampling (таңдамалы байыту) әдісімен және өсімдіктер, жануарлар мен микроағзалардың геномдарын, сондай-ақ микробтық қауымдастықтарды талдау мүмкіндіктерімен танысуда.

Бағдарламада — PromethION сериялы құрылғыларда секвенирлеу кітапханасын дайындау бойынша және EPI2ME (Bioinformatics) платформасында деректерді өңдеу бойынша шеберлік сыныптар өткізіледі.

Баяндамашылар:

• Ashan Musafer, MSc MBA — Field Application Scientist, Oxford Nanopore Technologies, MECA (Middle East & Central Asia)

• Алина Теплюк — нанотесікті секвенирлеу өнімдерінің менеджері, Techprime

• Тимур Ягудин — FAS бөлімінің жетекшісі, Techprime

Конференцияның мақсаты — қазақстандық зерттеушілердің геномика саласындағы біліктілігін арттыру және секвенирлеудің заманауи технологияларын ғылыми және өндірістік жобаларға енгізу.

Бағдарлама мен тіркелу туралы толық ақпарат:
https://techprime.kz/21-22oct_techprimeont/