Ғылым және ЖИ: Институт «QAZAQSTAN AI FOR SCIENCE» алаңында қатысушы
2026 жылғы 17 қыркүйекте Алматы қаласында Қазақстан Республикасы Ұлттық ғылым академиясының ұйымдастыруымен «QAZAQSTAN AI FOR SCIENCE» алғашқы ашық тұжырымдамалық сессиясы өтті.
«Ұлттық аграрлық ғылыми-білім беру орталығы» КЕАҚ құрамына кіретін «Қазақ мал шаруашылығы және жемшөп өндірісі ғылыми-зерттеу институты» ЖШС өкілдері сессия жұмысына қатысып, ұсынылған тәсілдермен танысты және ғылыми қызметте жасанды интеллектіні қолданудың өзекті бағыттарын талқылады.
Сессия аясында жасанды интеллектіні ғылыми зерттеулерде қолданудың заманауи тәсілдері — ғылыми гипотезаларды қалыптастыру мен модельдеуден бастап, эксперименттер жүргізу, нәтижелерді тәуелсіз валидациялау және жаңа білімдерді практикаға енгізуге дейінгі мәселелер қарастырылды.
Ғылыми зерттеулерді жоспарлау мен мониторинг жүргізуде, үлкен көлемдегі деректерді өңдеуде, талдау дәлдігін арттыруда және ғылыми негізделген шешімдер қабылдау үдерісін жеделдетуде жасанды интеллектінің мүмкіндіктеріне ерекше назар аударылды.
Осындай алаңдар пәнаралық өзара іс-қимылды дамытуға, ғылымға цифрлық технологияларды енгізуге және Қазақстанда ғылыми зерттеулер жүргізудің жаңа тәсілдерін қалыптастыруға ықпал етеді.
